esti tampocu ye un poema de la esperiencia, Nel Amaro

Quiso Pablo
Neruda escribir los
versos más tristes. Tamién
naguo yo
por escribir los
versos más tristes. Escríbelos
entós, equí nel ermu
mineru d'Ojos Negros
albentestate. Escribo (por exempalu)
CA DÍA MUERREN SEIS
NEÑOS ETIOPES POR
CULPA LA SECA
Escritos queden ya (aunque
darréu venga J. L. García Martín
diciendo que
tampocu nun
son estos versos un
braeru poema de la esperiencia).


Voces del Extremo: Poesía y Realidad, VV. AA., Fundación Juan Ramón Jiménez, Moguer, 2003